დიდი ნაწილების შედუღება

დიდი ნაწილების შედუღება საჭიროა გემების, სარკინიგზო ტრანსპორტის, ამწეების, ხიდების, ელექტრო სადგურების ან სამშენებლო და სატკეპნი მანქანების მშენებლობისას. დნობის მაღალი სიხშირეები საჭიროა შედუღებისას, შედუღების სიფართის, სხვადასხვა სისქის ლითონის ფურცლის და სხვადასხვა საშემდუღებლო პირობების გამო. გამოყენებული ფოლადის შენადნობის მიხედვით, შესაძლებელია შედუღების სხვადასხვა პროცედურის გამოყენება. MIG (რკალური შედუღება ინერტული გაზის დამცავ გარემოში ლითონის დნობადი ელექტროდით) და MAG (რკალური შედუღება აქტიური გაზის დამცავ გარემოში ლითონის დნობადი ელექტროდით) შედუღება საუკეთესო შედეგებს იძლევა დიდი ნაწილების შედუღებისას. გარე სივრცეში შედუღებისას, რეკომენდებულია უგაზო მანუალური რკალური შედუღება ლითონის დნობადი ელექტროდით. ალუმინის დიდი ნაწილების შედუღება ჩვეულებრივ ხდება MIG პროცედურით.

შედუღების ყველა წერტილზე წვდომისა და შედუღების ოპტიმალური შედეგების უზრუნველყოფისთვის, ხშირად დიდი ნაწილები თავსდება დიდ მბრუნავ და მოხრად მოდულებზე. შემდუღებლებს ხშირად სჭირდებათ პოზიციის შეცვლა, სწორედ ამიტომ მნიშვნელოვანია, რომ სანთურები იყოს მსუბუქი, მტკიცე და მოძრავი. სხვადასხვა სიგრძისა და მოხრის კუთხის მქონე მბრუნავი და მარტივად შეცვლადი სანთურის ყელები სასარგებლოა რთულად მისაწვდომი ზონების შედუღებისას.

სანთურების სადენის ნაკრებები უნდა იყოს მოქნილი, მსუბუქი და ძალიან გამძლე, რადგან ხშირად იხრება ბასრი კუთხით.

დიდი ნაწილების შედუღებისას ხშირად საჭიროა შორ მანძილზე დაკავშირება და რიგ შემთხვევებში, შემდუღებლებს უწევთ დიდ ნაწილებზე ასვლა თავიანთი სანთურებით. ამ მიზნით, არსებითად მნიშვნელოვანია, რომ მავთულის მიწოდება უნაკლოდ ფუნქციონირებდეს. სწორედ ამიტომ, ასეთ შემთხვევებში ხშირად გამოიყენება ე.წ. პუშ-პულ სანთურები, რადგან მათ აქვთ მავთულის მიწოდების დამატებითი აგრეგატი სახელურზე, რაც მავთულის უსაფრთხოდ მიწოდების შესაძლებლობას იძლევა, თუნდაც 8-16 მეტრის დისტანციაზე. ABICOR BINZEL-ი გამოცდილი სპეციალისტია და მსოფლიო მასშტაბით  აწვდის სხვადასხვაგვარ სანთურებს, რომლებიც იდეალურად შეეფერება დიდი ნაწილების შედუღებას.