საავტომობილო და სატრანსპორტო
სრულყოფილი ვიზუალი - მაღალი უსაფრთხოება და გამძლეობა
შედუღების შეერთებები უნდა აკმაყოფილებდეს ავტომობილების წარმოებისა და ტრანსპორტირების უმაღლეს მოთხოვნებს. გამოყენების სფეროს მიხედვით, ყურადღება მახვილდება დაღლილობის ხანგრძლივობაზე, უსაფრთხოებასა და გარეგნულ მხარეზე. სქელი ფურცლები გამოიყენება შასის ჩარჩოსთვის, ხოლო თხელი ფურცლები და ალუმინი - კონსტრუქციის კორპუსის მსუბუქი ნაწილებისთვის, მაღალი სიმტკიცისა და არადეფორმირებადი ფურცლები გამოიყენება მგზავრთა განყოფილებებისთვის. ABICOR BINZEL-ი სატრანსპორტო საშუალებათა მწარმოებლებსა და მათ მიმწოდებლებს სთავაზობს შეერთების ტექნოლოგიათა გადაწყვეტების სრულ ასორტიმენტს მანუალური, ნაწილობრივ მექანიკური და ავტომატური შედუღების პროცესებისთვის.
თხელი ფურცლები, მაღალი სიმტკიცის ფოლადი, მსუბუქი ალუმინი
სატრანსპორტო საშუალებათა მშენებლობა მრავალგვარ მოთხოვნებს უყენებს შემდუღებლებს, რობოტის დამპროგრამებლებსა და აღჭურვილობას. სატვირთო მანქანებისა და ავტობუსების მგზავრთა განყოფილებებისთვის, ზემო და ქვე-სტრუქტურებისთვის, ასევე, თვლების ღერძებისთვის, მაღალი სიმტკიცის ფოლადი შედუღებულია არადეფორმირებად, ჩვეულებრივ ინერტული გაზის დამცავ პროცესში. ეს ასევე გამოიყენება მატარებლების, სარკინიგზო ვაგონებისა და კონტეინერების წარმოებაში. კერძოდ, სატვირთოსა და ავტობუსის კომპონენტების გრძელი ნაკერები შედუღებულია სწრაფად და UP პროცედურის შეფერხების გარეშე (რკალური შედუღების პროცედურა). ტანკერების შედუღებისას, გარემოს ან საკვების დაცვის სპეციფიკური მოთხოვნები უნდა იყოს გათვალისწინებული, გამოყენების სფეროს მიხედვით.
დღესდღეობით, მოთუთიებული ფოლადისგან დამზადებული მანქანის კორპუსები ხშირად ლაზერულადაა მორჩილული.
მსუბუქი მასალები, როგორიცაა ალუმინი და კოროზია გამძლე ფოლადები, გამოიყენება სამგზავრო ავტომობილების კორპუსების ნაწილებისთვის, მოტოციკლეტის კარკასებისთვის, ბორბლის ფერსოებისთვის, სავარძლებისა და გამწოვი სისტემებისთვის. ხშირად ისინი შედუღებულია TIG პროცედურით დაბალი შემავალი სითბოს საშუალებით. ეს უზრუნველყოფს ძალიან კარგი ხარისხის ნაკერს და გლუვი ნაკერის ოპტიკას. არაა საჭირო შეღებვამდე ხელახალი დეტალური დამუშავება. განსაკუთრებით თხელი ფურცლების შემთხვევაში, ხშირად გამოიყენება პლაზმური შედუღება ან ლაზერული რჩილვა. მოძრავი ამწეები წარმოებულია მსუბუქი საკონსტრუქციო პროცედურის გამოყენებით. ამ შემთხვევაში მასალის დენადობის ზღვარი არ უნდა შეიცვალოს შედუღებით.
გადაწყვეტები მანუალური და ავტომატური წარმოებისთვის
წარმოების ოდენობებისა და შედუღების ამოცანების მიხედვით, სატრანსპორტო საშუალებათა წარმოებაში გამოიყენება მანუალური, ნაწილობრივ და სრულად მექანიკური შედუღების პროცესები. კერძოდ, ერთი და იგივე ნაწილების დიდი პარტიების შემთხვევაში, ნაწილობრივ მექანიკური და ავტომატური შედუღება უზრუნველყოფს განსაკუთრებით სწრაფ და ეკონომიურ წარმოებას მუდმივად მაღალი ხარისხით. ABICOR BINZEL-მა შეიმუშავა ინდუსტრიისთვის შესაფერისი მანუალური და რობოტული საშემდუღებლო სანთურები ლაზერული, MIG (რკალური შედუღება ინერტული გაზის დამცავ გარემოში ლითონის დნობადი ელექტროდით) /MAG (რკალური შედუღება აქტიური გაზის დამცავ გარემოში ლითონის დნობადი ელექტროდით) და TIG (ინერტული გაზის დამცავ გარემოში ვოლფრამის უდნობი ელექტროდით რკალური შედუღება) პროცედურისთვის, ასევე, პლაზმური შედუღებისთვის. გარდა ამისა, საშემდუღებლო რობოტების სისტემური კომპონენტების ფართო ასორტიმენტი, რაც ზრდის წარმოებას, როგორიცაა საწმენდი პუნქტები, რობოტის გამომრთველი სადგარები და სანთურის ყელის ინტერფეისები.
შეკეთებები საჭიროებს პოზიციის ხშირ ცვლილებას და შედუღებულია მანუალურად. ამისათვის მნიშვნელოვანია მსუბუქი, მტკიცე და მოძრავი სანთურები. ABICOR BINZEL-ი გთავაზობთ MIG/MAG, TIG და პლაზმური შედუღების ერგონომიული და მოქნილი სანთურის გადაწყვეტების ფართო ასორტიმენტს. ამასთანავე, პორტფოლიო მოიცავს სპეციალურ მტკიცე გადაწყვეტებს მატარებლების, სარკინიგზო ვაგონებისა და კონტეინერების წარმოებისთვის, აერონავტიკის ან თავდაცვის ტექნოლოგიისთვის, სადაც სატრანსპორტო საშუალებებს დიდი დატვირთვა აქვთ. ძირითადად, სატრანსპორტო საშუალებათა წარმოებაში ტრენდი მიმართულია მსუბუქი კონსტრუქციისა და ალუმინის ნაწილებისკენ. პერსონალთან დაკავშირებული დიდი ხარჯებისა და კვალიფიციური შრომის ნაკლებობის თვალსაზრისით, მექანიკური და ავტომატური შედუღების პროცედურები ძირითადი ტრენდებია ინდუსტრიაში.
მითითებები::
WP Performance Systems, მუნდერფინგი, ავსტრია
მსოფლიო კლასის შედუღება
WP Performance Systems-მა უკვე გაიმარჯვა 300-ზე მეტ მსოფლიო კონკურსში. რადგანაც მოტოციკლეტების შეჯიბრში თითქმის ყველა პროფესიონალი იყენებს ავსტრიელი მწარმოებლის კორპუსებს. WP-ს მაღალ-ტექნოლოგიური შასები რეგულარულად გამოიყენება საგზაო და არასაგზაო შეჯიბრებების ლიდერების მიერ. ერთი მიზეზი: მათი მაღალი ხარისხი, რაც ასევე უზრუნველყოფილია ABICOR BINZEL-ის შედუღების ტექნოლოგიის დახმარებით.
[ მითითების ჩვენება ] (English)
