დანაფარიანი კონტაქტის წვერები მცირე ღრეჩოს შედუღებისთვის

სპეციალური დაფარვის პროცესის წყალობით, სხვადასხვა შემადგენლობის დაფარვები ყოველთვის ჰომოგენურად გამოიყენება და სრულიად სანდოა რთული ინდუსტრიული გამოყენებისას მცირე ღრეჩოს შედუღებისთვის. დაფარვის შემადგენლობა მოიცავს ბორის ნიტრიდს, ალუმინის ოქსიდს, ასევე, ალუმინის ტიტანიუმის ოქსიდს. დაფარვის ტიპის მიხედვით, ის უზრუნველყოფს ნაპერწკლის ადჰეზიისგან დაცვას და ზოგადად მდგრადია მაღალი ტემპერატურისა და თბური დარტყმისადმი. სამივე დაფარვის კერამიკა უზრუნველყოფს ძლიერ იზოლაციას.

საუკეთესო დაცვა ნაპერწკლების წინააღმდეგ და ასევე ყველაზე ხარჯეფექტური დაფარვა არის ბორის ნიტრიდიანი დაფარვა. თუმცა, ტიტანიუმის ოქსიდის დაფარვასთან შედარებით, ის ცვეთისადმი, სითბოსა და თბური დარტყმისადმი ნაკლებად გამძლეა და მოიცავს რკალის წარმოქმნის უფრო მაღალ რისკს შედუღების შეერთების კედელთან შეხებისას. ბორის ნიტრიდიანი დანაფარის მქონე კონტაქტის წვერი  საუკეთესოდ შეეფერება სტანდარტული მილის შედუღებას ან ძირის დამუშავებას ენერგიის დაბალი მოხმარებით.

ეს დაფარვა უზრუნველყოფს შედუღების პროცესისგან თბოგამოსხივებისადმი ძლიერ რეზისტენტულობას და განსაკუთრებით ეფექტურია თბოგამოსხივების კონტაქტის წვერების ინტერიერის გარეთ შეკავებისთვის. ეს იდეალურია მაღალი ტემპერატურისა და თბური დარტყმის გარემოში გამოყენებისთვის, როგორიცაა მაღალ ამპერიანი MAG (რკალური შედუღება აქტიური გაზის დამცავ გარემოში ლითონის დნობადი ელექტროდით) მცირე ღრეჩოს შედუღება და რკალური შედუღება ფლუსის ქვეშ.

ალუმინის ტიტანიუმის ოქსიდიანი დაფარვა ყველაზე მეტად გამძლეა მექანიკური და აბრაზიული ცვეთისადმი და საუკეთესო დაცვას გთავაზობთ სპილენძის შერევის წინააღმდეგ. ეს განსაკუთრებით შესაფერისია ხანგრძლივი გამოყენებისთვის, მაგალითად, როცა კომპონენტი რთულად მისაწვდომია. გარდა ამისა, ალუმინის ტიტანიუმის ოქსიდიანი დაფარვა უზრუნველყოფს პროცესის სანდოობას.

დანაფარიანი კონტაქტის წვერების გამოყენება უფრო და უფრო იზრდება ყველა ინდუსტრიაში, მათ შორის, მილსადენის წარმოებასა და მცირე ღრეჩოს შედუღებაში. მილების კლასიკური კონსტრუქცია სახმელეთო და საზღვაო სექტორში, მილსადენის მშენებლობა უახლესი ელექტროგადამცემი ხაზებისთვის, ნავთობისა და აირისთვის, ასევე, საკომუნიკაციო ხაზებისთვის ან გემთმშენებლობისთვის ის სფეროების, რომლებშიც გამოიყენება დანაფარიანი კონტაქტის წვერები. თავიანთი ფორმები და ტექნიკური მახასიათებლები მათ იდეალურ კომპონენტებად აქცევს მცირე ღრეჩოს შედუღებისთვის, სადაც სამუშაო ჩვეულებრივ სრულდება დროისა და ხარჯის ზემოქმედების ქვეშ და განსაკუთრებით მაღალ მოთხოვნებს უწესებს საშემდუღებლო სანთურებსა და კონტაქტის წვერებს.

ABICOR BINZEL-ის დანაფარიანი კონტაქტის წვერების გამოყენების სხვა სფეროებია მაღალ-ტემპერატურული პროცესები, რომელშიც შედუღება ხორციელდება მაღალი დონის ენერგიით. სხვაგვარად რომ ვთქვათ, საშემდუღებლო სანთურის მოხმარების მასალები დაუცველია საშუალოზე მაღალი დატვირთვების წინაშე და ძალიან სწრაფად ცვდება დაფარვის გარეშე.